PREMIOS CONAMA 2018

Dende o 1 de xuño ata o 2 de novembro de 2018, estará aberto o prazo de presentación de solicitudes para os premios CONAMA 2018. Este premio recoñece os mellores proxectos para a sostibilidade nos municipios españois. Son concedidos pola Fundación CONAMA, unha entidade independente que organiza o Congreso Nacional do Medio Ambiente.

Establécense dúas modalidades atendendo ao censo total de poboación que teñan as entidades participantes. En cada modalidad concederase un premio principal e dous accésit. Estas modalidades son:

• Menos de 5.000 habitantes.
• Entre 5.000 e 30.000 habitantes, ambos inclusive.

As candidaturas serán de proxectos, postos en marcha ou rematados completamente, que estean relacionados co medio ambiente ou o desenvolvemento sostible que contemplen algunha das siguintes temáticas:

• Auga e calidade ambiental.
• Conservación e xestión forestal.
• Economía e emprego.
• Enerxía e cambio climático.
• Infraestructuras e mobilidade.
• Sociedade, igualdade e participación.

Para máis información seguir a seguinte ligazón CONAMA 2018